 |
| Vice Ministru Edukasaun Sr. Abel Ximenes no Sekretariu Estadu SEPFOPE entrega dokumentus ba malu wainhira asinatrua MoU ramata |
DÍLI—Sekretáriu Estadu ba Politika Formasaun Profesionál no Empregu Ministériu Edukasaun (ME) ho hala’o asina memorandu ida konaba rehabelitasaun edefisiu eskola konstrusaun, formasaun ba joven ho reparasaun ba kadeira ho mesa eskola, ka programa mobile traning.
“Aktividade rehabelitasaun edefisiu eskola ka konstrusaun, formasaun ba joven sira ho reparasaun ba kadeira meja ne’ebé mak a’at oan, ne’e hanesan meius ida ne’ebé parte rua Ministeriu Edukasaun ho SEPFOPE halo kri’ia mós kampu do servisu ba joven sira hodi halo servisu, liu-liu ba joven sira ne’ebé mak akaba esnsinu jéral, tekniku vokasionál sira no mós universitariu sir abele tuir mós treinamentu volontariu espesializada iha SEPFOPE, ne’e hanesan vantage ne’ebé diak tebes,” Segundu Vice Ministru Edukasaun Abel da Costa Ximenes dehan bainhira hala’o asina Mou iha salaun SEPFOPE Caicoli ohin.
Tuir nia, orsamentu ne’ebé mak parte ME iha hodi aloka ba aktividade hirak refere total hamutuk 2 millioens ka milliaun rua. Preoridade ba eskola ne’ebé sei rehabelita mak hanesan eskola 28 de Novembru iha Becora, iha tan eskola 12 maibé ho osamentu ne’ebé limitadu parte ME sei hare uluk ba preoridade fatin tolu Munisipiu Díli mak eskola 28 de Novembru, ho eskola ida iha Illa Atauro no mós Munisipiu Ainaro iha postu administrativu Maubisse eskola ida, I possibleente sei hare mós eskola seluk.
Aktividade ne’ebé mak halo hare ba durasaun tempu sei hare ba parte tekniku nia bainhira halo servisu, bainhira halo selesaun ba grupu komunitariu no sentru formasaun hosi SEPFOPE. Aktividade refere sei halo iha tinan ida ne’e nia laran, atu nune’e estudante sira bele uja fasilidade ne’ebé diak bainhira tuir aprendejajem.
Realidade iha karteira ho meja barak mak a’at ona no soe arbiru deit iha ambiente eskola nian. Ho problema ne’e mak parte rua ne’e kompleta malu liu hosi formasaun joven sira hodi bele ajuda ME hadia ba kondisaun hirak ne’e hotu. Liu hosi karteiras ne’ebé a’at bele hadia fali ba kadeira ho meja foun atu uja, ho ida ne’e mak bele hamenus lixu iha ambiente eskola nian, Vice Ministru hatete.
Alende ne’e iha fatin hanesan Sekretáriu Estadu ba Politika Formasaun Profesionál no Empregu Ilidio Ximenes da Costa dehan, programa mobile traning ne’e hanesan planu ida hare ba sasan iha eskola nia hanesan kadeira ho meja sira ne’ebé mak a’at ona no sai lixu iha ambiente eskola nian.
“Atu prosesa fali sasan ne’ebé mak iha ona lixu hodi sai buat foun ida ne’e mak parte ami nia iha ideia ida hodi koopera hamutuk ho Ministériu Edukasaun atu bele hadia kadeira o meja ne’ebé a’at oan atu uteliza fali, ho eskola ne’ebé kondisaun a’at liu ona hodi halo fali rehabelitasaun,” Sekretáriu Estadu ne’e dehan.
 |
| Foto hamutuk wainhira ramata ona sermonia asinatura MoU entre Edukasaun no SEPFOPE |
Ho kestaun ne’e atu bele uja nafatin alin joven sira ne’ebé mak tuir ona formasaun atu aplika fali iha pratika tanba formadu ona. No mós ba kompania sira ne’ebé mak toma responsabilidade ba servisu sira tenki uja estudante ne’ebé mak formadu ona atu nune’e bele fó servisu mós ba joven sira ne’ebé mak formadu ona hosi centru treinamentu sira hotu, nia esplika.
Tuir nia, ho programa mobail traning ne’ebé mai ho orsamentu ME nia no mau de obra mak mai hosi SEPFOPE hosi formandu sira, hodi halo servisu.
Objetivu hosi programa ne’e fó obrigatoriumentu ba joven sira ne’ebé mak tuir ona formasaun iha kanalizasaun, soldadura, konstrusaun ho seluk tan ne’ebé aprende hosi fatin treinamentu sira. Exemplu konkretamentu ne’ebé mak estudante formadu sira halo ona mak programa SEPFOPE nian uma lima iha munisipiu sira, postu polisia nia iha capitál Díli laran. Bainhira atu halo sevisu ida presija koordenasaun ne’ebé mak diak, bele atinze ba metas dezenvolvimentu ne’ebé mak iha hodi muda ba kondisaun diak liu tan. (Tika | media-GSE)
Written by Unknown
SECRETARIO DO ESTADO PARA A POLITICA DE FORMAÇÃO PROFISSIONAL E EMPREGO | SEPFOPE |
