Formandu Senai 258 simu Sertifikadu

Sectretario Estado SEPFOPE Sr. Ilidio Ximenes da Costa hato'o Discurso wainhira halo graduasaun ba formadus sira iha Sentru Formasaun Senai Becora.

DILI- sekretaria estadu ba politika formasaun professional no Empregu (SEPFOPE) liu husi Centru formasaun Senai Becora gradua formandus hamutuk 258 pessoas ne’ebe mak ramata ona formasaun durante fulan 8 nian laran iha Centru Formasaun Senai Becora.

Tuir Diretor Centru Formasaun Senai Becora total formadus hamutuk 258 ho komposisaun mak hanesan Feto hamutuk 112 no mane 127  mak simu sertifikadu ba nivel I, II iha area 11 mak hanesan kustura ema hamutuk 21, karpintaria hamutuk 27, eletricidade hamutuk 18, Hidraulica hamutuk 12, hardware hamutuk 23, informatika 45, Refegesaun hamutuk 21, mecanica motos 9, pedreiro hamutuk 17, Panifikasaun 46 no ba sertikadu III hamutuk 19 iha area Eletricidade ba iha 1° Ciclo tinan 2015 ne’ebe mak hetan apoio husi ADB.

Tuir Diretor Centru Formasaun Senai Becora Lorensu da Silva Gusmao total formandus hamutuk 258 pessoas ne’e iha balun mos nivel edukasaun masterado nain 1, lisensiatura hamutuk 14 pessoas, bebas teori 10 no sira ne’ebe mak agora iha semester hamutuk 15 total hamutuk sira nebe’e mak mau husi nivel edukasaun universidade hamutuk nain 40 ho feto 15 no mane 25. 

Director Geral Para Politica Formasaun Professional Emprego Sr. Paulo Alves Entrega Sertificado ba Formandus Sira iha Sentru Formasaun Senai Becora.

Vice Presidente CCI-Tl Alberto de Carvalho iha nian Diskursu sente ksolok tebes tamba Centru Fotmasaun Senai Becora bele halo ona gradusaun ba formandus hamutuk 258 iha area oin-oin no mos husu ba formandus sira ne’ebe mak ramata ona formasaun atu bele kria rasik sira  nian serbisu no mos husu ba alin sira atu bele rai nafatin numero kontaktu hodi nune bele ajuda fahe informasaun kona ba kampu de serbisu no tuir Vice CCI-TL agora dadun ne’e Jacinto Grup halo ona rekrutamentu ba formandus iha area kustura hamutuk 100 pessosa mais agora daduan ne’e foin 45 pessoas mak serbisu no husu ba centru formasaun atu bele kontinua fasilita pedidu husi Jacinto Grup.

Sekretariu estadu ba politika formasaun professional no Empregu (SEPFOPE) Ilidio Ximenes husu ba formandus sira atu bele sai empreza juvinil no kria serbisu ba sira nia aan rasik no senti kontenti tamba Centru Senai hatudu ona ona sira nian kapasidade oins atu bele forma ema iha area oin-oin. 

Tuir Sekretariu Estadu Ilidio Ximenes da Costa ,  Formandus sira iha duni ona kapasidade atu bele halo sira nian knae r hanesan ema ne’ebe mak tuir ona formasaun no halo pratika no mos bele hetan kontratu husi kompanhia balu para bele halo produsan tijolu kesi no mos halo uma ba iha komunidade liu husi programa empregu rural kona ba uma lima iha Daulorok Posto Administrativo Soibada Municipio Manatuto no mos halo posto policia PNTL iha Dili, ida ne’e hatudu duni katak Formandus sira mos bele kria duni kampu serbisu ba sira nian aan rasik. 

Director Nacional Emprego Sr. Lucio Bere Tasi Entrega Sertificado ba Formadus sira iha Sentru Formasaun Senai Becora.

Iha parte seluk Sekretariu Estadu mos informa katak ba tinan ida ne’e sei kria lei ida para nune bele fasilita alin sira ne’ebe mak ramata ona formasaun iha centru hodi ba tau naran liu husi agencia ne’ebe mak governu hari hodi nune bele ajuda fasilita hela alin sira ba industria serbisu no mos husu ba ba formandus sira atu bele rai numero kontaktu tamba simu ona sertifikadu lalos hotu ona mais ida ne’e hanesan hahu atu buka no kria kampu serbisu ba sira nian rasik liu husi grupo ne’ebe mak sira forma, dehan Sekretariu Estadu SEPFOPE iha diskursu ba sermonia entrega sertifikadu iha Centru Formasaun Senai Becora.

Partisipa iha sermonia entrega serifikadu ba formandus sira mak hanesan Diretor Geral ba Politika Formasaun Professional no Empregu Sr Paulo Alves, Inspector geral do traballu, Diretores nasional SEPFOPE, Emprezario nasional no mos mestre sira. 

Browse More Articles

Tweet

Written by Unknown

SECRETARIO DO ESTADO PARA A POLITICA DE FORMAÇÃO PROFISSIONAL E EMPREGO | SEPFOPE |