Gwaju South Korea, Loron segunda 21-09-2015. Sekretariu Estadu ba Politika Formasaun Professional no Emprego ( Sepfope ) Sr. Ilidio Ximenes da Costa akompanha husi asistent adido trabalho iha Korea do Sul Mauricio Giraloi no Dr. Kang Hanrong Fundasaun Belun ba Belun asina MoU kopersaun hamutuk ho Gwanju Veteran Hospital ho governu Timor-Leste liu husi Sekretaria Estadu ba Politika Formasaun Professional no Emprego ( Sepfope ) atu fo asistensia mediku ba trabalhadores Timoroan no mos funsionario embaxada Timor Leste iha Seoul.
Sekretariu Estadu ba Politika Formasaun Professional no Emprego ( Sepfope ) Sr. Ilidio Ximenes da Costa hatete katak asina MoU kopersaun hamutuk entre Gwanju veteran hospital ho governu Timor-Leste iha Municipio Gwanju tamba serbisu makas husi ita nia adido trabalho iha Korea do Sul no embaxada hodi bele ajyda fasilita mediku ba trabalhadores Timoroan no iha akordu ne mos hatete katak trabalhadores sira bele ba konsulta iha hospital veteran nebe mak iha korea do sul no sira sei hetan atendementu ho diak no presu nebe baratu ba trabalhadores sira nebe'e mak ba konsulta iha Gwanju Veteran Hospital dehan sekretariu Estadu ba Politika Formasaun Professional no Emprego ( Sepfope ) iha nian Intervista.
Lori governu Timor-Leste nia naran hakarak hato'o mos obrigado barak ba Diresaun Gwanju Veteran Hospital tamba iha hanoin diak atu bele koopera hamutuk ho governu Timor-Leste hodi bele ajuda fasilita no tulun trabalhadores sira nebe'e mak serbisu iha Nasaun korea do Sul hodi bele hetan tratamento nebe'e diak ho folin baratu. Dehan sekretariu Estadu Sepfope Timor-Leste sr. Ilidio Ximenes da Costa.
Sermonia asina MoU kopersaun hamutuk entre Gwanju veteran hospital ho governu Timor-Leste liu husi Sekretaria Estadu ba Politika Formasaun Professional no Emprego ( Sepfope ) realiza iha sala hospital Gwanju veteran hospital
Hafoin asina akordu MoU kopersaun hamutuk sekretariu Estadu ba Politika Formasaun Professional no Emprego ( Sepfope ) ho delegasaun halo mos obervasaun iha hospital Gwanju veteran hospital nebe akompanha husi Diresaun iha hospital
Written by Unknown
SECRETARIO DO ESTADO PARA A POLITICA DE FORMAÇÃO PROFISSIONAL E EMPREGO | SEPFOPE |
