Gwaju South Korea, Loron segunda 21- 09-2015
Sekretariu Estadu ba Politika Formasaun Professional no Emprego ( Sepfope ) Sr. Ilidio Ximenes da Costa akompanha husi asistent adido trabalho iha Korea do Sul Mauricio Giraloi no Dr. Kang Hanrong Fundasaun Belun ba Belun visita fatin istoriku Iha Gwanju hodi presta omenajen ba vitima masakre iha rejim ditadura nian tempo. Iha visita ba fatin refre sekretariu Estadu ba Politika Formasaun Professional no Emprego ( Sepfope ) Sr. Ilidio Ximenes da Costa no ekipa hetan mos Oportunidade para bele hare video kona ba masakre nebe'e mak akontense iha pasadu.
Iha nia Intervista sekretariu Estadu Sepfope Sr Ilidio Ximenes da Costa hatete katak iha tempo okupasaun Indonesia iha Timor-Leste iha mos masakre 12 November 1991 hanesan iha Timor-Leste hodi halo mate joven lubuk lakon sira nia vida no to ikus jornalista sira fo sai ba mundu tomak katak Timor-Leste percisa duni atansaun husi mundu Internasional.
Liu husi masakre no monument ita bele hanoin katak sira lakon sira nian vida tamba hakarak lia los no oinsa bele hari demokrasi nebe ema hotu bele hato sira nia opiniaun ba prosesu Desenvolvimentu nasaun liu husi sira nia vida.
Hafoin ramata no fo homenagen no visita semiterio Nasional18 de Maio iha Gwanju sekretariu Estadu ba Politika Formasaun Professional no Emprego ( Sepfope ) Sr. Ilidio Ximenes da Costa akompanha husi asistent adido trabalho iha Korea do Sul Mauricio Giraloi no Dr. Kang Hanrong Fundasaun Belun ba Belun kontinua halo sira nia atividade seluk tan/jLo.
Written by Unknown
SECRETARIO DO ESTADO PARA A POLITICA DE FORMAÇÃO PROFISSIONAL E EMPREGO | SEPFOPE |
