Tuesday 17 November 2015

SEPFOPE inagura estrada iha Suco Katari Leten

07:56:00


Sekretariu Estadu SEPFOPE akompanha alin feto no mane hodi kua vita inagurasaun estrada rural iha Suco Katarai Leten


Estrada rural iha Suco Katrai Leten
Sekretariu Estadu ba Politika Formasaun Profisional no Empregu (SEPFOPE), Ilidio Ximenes da Costa iha loron kuarta 14/11/2015 inagura estada ne’ebe mak hetan rehabilitasaun no loke dalan foun liu husi programa empregu rural Sekretaria Estadu ba Politika Formasaun Professional no Empregu (SEPFOPE)  Liu husi programa rehabilitasaun no loke dalan foun iha Suco Katrai Leten bele fo beneficio populasaun husi Aldeia 5, no suco sira seluk hanasan Suco Katrai Karaik, Lauana, Suco Katrai Leten no mos sai hanesan dalan altenativu hodi liga ba iha posto  administrativu Atsabe.  
Padre Parokia fo bensaun antes inagurasaun estrada rural

Tuir Sekretariu Estadu SEPFOPE, Ilidio Ximenes da Costa estrada ida neé hanesan parte ne’be mak VI Governu apoio ba komunidade sira liu husi Programa Empregu Rural nebe mak iha Diresaun SEPFOPE nian okos no husu mos ba komunidade atu bele kuidado no tau matan ba dalan nebe mak hetan ona rehabilitasaun husi SEPFOPE hodi nune bele fasilita komunidade ba to’o iha vila hodi nune sira bele asesu ba merkadu liu husi serbisu hamutuk atu bele hadia no serbisu hamutuk liu husi programa arosan ou kerja bakti hodi nune bele hamos balete karik foer no kuidado, nune mos  Sekretariu Estadu fo agradece ba Kompanhia nebe mak kaer obra hodi halo rehabilitasaun estrada rural iha Suco Katrai Leten Posto Administrativo Letefoho Municipio Ermera.

Tuir Director Kompanhia Liumar Unipessoal Lda, anates atu hahu rehabilita estada nebeé sira nian part mos halo konsulta ona ho lider lokal para bele ajuda fo informasaun ba komunidade katak sira sei halo rehabilitasaun estrda rural, baleta no ponte kiik no sira mos husu ba komunidade atu bele partisipa direita iha programa rehabilitasaun estrada rural no involvimentu komunidade hamutuk 100 pessoal nebe no mos agredece tebes ba komunidade ne’ebe mak ofrese sira nian kafe hodi bele loke dalan foun para bele ajuda fasilita komunidade sira iha area rural.

Sekretariu Estadu halo observasaun hafoin inagurasaun estrada rural
Tuir chefe Suco husi Karai Leten hafoin SEPFOPE loke dalan foun no halo rehabilitasaun ba Estrada iha nian area agora dadun ne’e komunidade sira ne’ebe mak hela iha foho komesa ona muda mai iha besik estrada hodi bele asesu diak liu tan ba estrada no tuir xefe suco sira kontenti tebes ho programa SEPFOPE no mos husu para bele kontinua nafatin dezenvolve komunidade sira liu husi programa formasaun no atividade seluk tan.

Kontruksaun ba estrada rural ne’e kaer husi kompania lokal ne’ebe mak mai husi Posto administrativo Letefoho no ba konstrukasaun ne’e kaer husi kompanhia tolu mak hanesan Iki Bianunu, Ai Ramu no Padnaru Unip. Lda ho dursaun projeito duramte fulan 4 nian laran ho total distancia hamutuk 3 KM ho total orsamentu hamutuk $ 443,417.36
Sekretariu Estadu halo observasaun hafoin inagurasaun estrada rural
Partisipa iha iha inagurasaun estarda rural iha Suco Katarai Leten, Sekretariu Estadu SEPFOPE, Ilidio Ximenes da Costa, xefi gabinete SEPFOPE Banigno da Cruz, Diretor Nasional Emprego Lucio Beretasi, Eng. Nasional SEPFOPE no Municipio, Autoridade lokal no komunidade


Written by

SECRETARIO DO ESTADO PARA A POLITICA DE FORMAÇÃO PROFISSIONAL E EMPREGO | SEPFOPE |

 

© 2013 SEPFOPE Timor Leste. All rights resevered. Designed by Templateism

Back To Top