Grupo tijolu kesi hetan apoio
husi SEPFOPE hodi bele fo formasaun no kapasitasaun joven oinsa atu bele halo no produs tijolu
kesi uza rai mean. Formasaun ba joven tuir planu nebe’e mak grupo ne hatama liu
husi proposta hamutuk ema nain 10 nebe’e mai husi Municipio Bobonaro nain 3 no
municipio Liquica hamutuk nain 7 no formasaun ne’e sei halo durante fulan 2
nian laran.
Tuir chefe grupo tijolu kesi,
Regina do Rosario, SEPFOPE ba tinan ida ne’e apoio makina produsaun tijolu kesi
hamutuk 4 no orsamento hamutuk $ 15.000.00 hodi bele fasilita formasaun iha
area tijolu kesi. Tijolu kesi iha municipio Liquica mos produs barak ona no
haruka ona ba iha fatin seluk hanesan municipio Aileu no Dili hodi halo uma
lima no mos iha residencia Kay Rala Xanana Gusmao no agora dadun ne’e ami mos
produs ona 3000 tijolu kesi hodi ba faan ba komunidade.
Sekretariu Estadu SEPFOPE iha
nian intervista hatate katak atividade formasaun ba tijolu kesi hanesan parte
ida atu bele redus ita nian pendensia ba
iha batako, hanesan ita hotu hatene katak iha municipio balun rai mean barak
tebes no ita sei ba hola fali blok hodi halo uma entaun SEPFOPE iha hanoin
oinsa ita bele produsu no uza rai mean hanesan parte ida para aproveita iha
nian rekursu hodi nune ita mos bele kria kampu de serbisu ba joven sira nebe’e
mak ramata ona formasaun kona ba tijolu kesi.
Tuir Sekretariu Estadu
hafoin formandus sira ramata formasaun SEPFOPE iha politika atu bele apoio ba
joven sira ou grupo ho makina produsaun tijolu kesi hodi nune sira mos bele
halo atividade produsaun kona ba tijolu iha sira nian municipio
Written by Unknown
SECRETARIO DO ESTADO PARA A POLITICA DE FORMAÇÃO PROFISSIONAL E EMPREGO | SEPFOPE |
