 |
| Ilustrasi by DeswindoArief | MediaSEPFOPE |
20 Setembru, 2015
- Enkontru ho Sr. Jang Huigook, Superintendente Edukasaun Munisípiu Gwanju nian. Iha enkontru ida ne’e Sr. Jang Huigook hato’o ninia laran ksolok hodi bele hasoru malu ho Sekretáriu Estadu no hato’o mós ninia disponibilidade atu bele fó apoiu ba Timor-Leste iha area edukasaun formal no naun formal. Superintendente promete atu fó apoiu ba Timor-Leste iha area ICT ka information communication technology. Entretantu Sekretáriu Estadu halo pedidu atu Superintendente fó apoiu la’ós de’it iha area ICT maibé iha mós area mekániku, agrikultura, plumbing, no karpintaria. Superintendente konkorda no haruka ninia ekipa tékniku hasoru malu ho delegasaun husi SEPFOPE nian hodi halo kedas diskusaun kle’an kona-ba tipu apoiu ne’ebé Superintendente atu fó, no iha kedas desizaun atu bele apoiu formasaun vokasionál iha area marsenaria (solda, etc)
- Enkontru ho Sr. Yoon Janghyun, Maiór husi Sidade Metropolitanu Gwanju. Maiór Yoon Janghyun nu’udar médiku matan nian hahú tiha ona servisu solidariedade ba Timor-Leste nia ukun rasik an iha 1996 bainhira halo vizita ba iha Timor-Leste. Iha enkontru ne’e Sekretáriu Estadu hetan mensajen pozitivu husi Maiór atu fó apoiu ba sentru formasaun sira ne’ebé SEPFOPE estabelese ona. Maiór hein proposta husi SEPFOPE atu bele realiza apoiu sira ne’e iha tempu badak, inklui atu simu Timoroan hodi mai turi formasaun vokasionál iha area sira ne’ebé SEPFOPE sujere iha proposta ne’ebé sei hatama.
21 Setembru, 2015
- Asina Nota de Entendimentu ho Ospitál Veteranu Gwanju. Iha okaziaun ne’e Sekretariu Estadu SEPFOPE asina MoU ho Diretór Gwanju Veteran Hospital ne’ebé iha memorandu ne’e parte GVH konkorda atu fó asisténsia médiku ba traballadór Timoroan iha Gwanju no sei loke oportunidade atu simu médiku husi Timor-Leste hodi hetan formasaun espesífiku iha ospitál refere. Memorandu ne’e mós sei loke dalan ba GVH atu halo atividade tratamentu médiku ba Timoroan sira iha Timor-Leste.
- Enkontru ho Water Team husi Fundasaun Belun ba Belun ne’ebé lidera husi Dr. Kang Hanrog. Iha enkontru ne’e Sekretáriu Estadu hasoru malu ho CEO husi kompañia Boyun ne’ebé espesialista iha projetu bee hemu nian. Kompañia ida ne’e iha interese atu halo investimentu ba bee hemu nian ho teknolojia husi Korea. Bazeia ba estimasaun kustu ba investimentu ne’e entre $5M to’o $9M. Tuir planu Water Team husi Fundasaun BbB sei vizita Timor-Leste hodi halo peskiza.
22 Setembru, 2015
- Enkontru ho Mr. Lee Haechan, Eis Primeiru Ministru, Eis Ministru Edukasaun no atuál Membru Asembleia. Iha enkontru ne’e Sekretáriu Estadu propoin ba membru asembleia ba asuntu negósiu estranjeiru no trade nian atu loke fali dalan ba traballadór Timoroan atu mai servisu iha setór agrikultura ne’ebé hapara tiha ona husi governu Korea iha tinan rua liubá. Sekretáriu Estadu mós halo pedidu atu ho podér no influensia polítika husi membru asembleia ne’e hodi governu Korea bele loke dalan ba Timoroan la’ós de’it iha area traballadór maibé mós iha area formasaun nian. Membru asembleia Lee Haechan konkorda no telefone kedas ba prezidente KOICA nian hodi husu kona-ba ajuda ne’ebé aloka ba Timor-Leste. Iha tempu ne’e kedas sekretáriu estadu simu informasaun katak orsamentu ODA ba Timor-Leste tinan oin sei hasa’e ba $6M husi $3M iha tinan ida ne’e. Eis primeiru ministru Mr. Lee Haechan promete atu ko’alia ho governu Korea nia apoiu ba Timor-Leste foku mós ba formasaun vokasionál tuir Timor-Leste nia pedidu.
23 Setembru, 2015
- Enkontru ho Ms. Park Young-sun, Membru Asembleia ba asuntu Finansa. Iha enkontru ne’e Sekretáriu Estadu halo pedidu ba Ms. Park Young-su atu ho podér no influensia polítika ne’ebé iha husu ba governu Korea nian atu tau matan ba foinsa’e feto Timor liuhosi formasaun vokasionál hodi kapasita feto foinsa’e sira. Ms. Park Young-su telefone direta ba prezidente Korean EximBank atu bele hare ba asuntu ne’e tanba Korea EximBank doadór bo’ot ida ba KOICA. Iha okaziaun ne’e Ms. Park Young-su rekomenda atu governu Timor-Leste liuhosi SEPFOPE bele servisu direta ho munisípiu Guro ne’ebé hanesan baze eleitór ba Ms. Park nian tanba iha munisípiu refere iha atividade barak ne’ebé involve feto inklui formasaun.
24 Setembru 2015
- Enkontru ho Maior Sidade Munisipál Hwasung, Mr. Chai In-Suk. Iha enkontru ne’e Sekretáriu Estadu apresia Hwasung City liuhosi Governador Provínsia Gyonggido nian ne’ebé fó apoiu komputadór hamutuk unidade 150 ba sentru formasaun ne’ebé SEPFOPE estabelese ona iha Timor. Maiór ne’e mós oferese formasaun iha area mekániku nian ba Timoroan na’in 30 atu mai tuir formasaun iha politéknika iha Hwasung City. Tuir planu formandu sira ne’e atu mai iha fulan Janeiru no Fevereiru tinan oin. Hwasung City sei kontinua atu fó apoiu ba Timor-Leste iha area formasaun, liu-liu iha mekánika, ICT, no indústria.
- Enkontru ho Diretór Kompañia Land Slide Protection, Mr. Jang. Iha enkontru ne’e Sekretáriu husu ba diretór kompañia nian atu bele implementa projetu protesaun rai monu tuir modelu ne’ebé iha Korea. Sekretáriu Estadu husu atu kompañia refere bele implementa projetu ki’ik hamutuk ho kompañia lokál hodi transfere matenek ba Timoroan sira. Kompañia refere hato’o sira nia disponibilidade no sei buka tempu atu ba Timor-Leste hodi halo estudu ida kona-ba kondisaun no estrutura rai iha Timor-Leste.
25 Setembru 2015
- Enkontru ho Eis Primeira Dama Lee Hee-Ho, Espoza husi Eis Prezidente Kim Daejung. Iha enkontru ne’e Sekretáriu Estadu hodi povu Timor no governu Timor-Leste nia naran hato’o obrigadu ba Madam Lee ba kontribuisaun husi eis prezidente Kim Daejung ninia esforsu no apoiu tomak ba Timor-Leste nia ukun rasik an. Madam Lee mós hato’o ninia intensaun atu vizita Timor-Leste iha tempu badak nia laran tanba bainhira moras iha ospitál, Eis Prezidente Kim Daejung hateten ba madam katak nia arrepende tanba lá konsege vizita Timor-Leste enkuantu nia sei forte. Madam mós apresia tebes Fundasaun Belun ba Belun nia intensaun ne’ebé hakarak servisu hamutuk ho Governu Timor-Leste atu harii Kim Daejung Center iha Timor. Ba inisiativa ida ne’e madam Lee hateten katak nia ho Kim Daejung nia belun sira sei halo esforsu hotu atu bele realiza idea atu hari Kim Daejung Center iha Timor. Iha enkontru ne’e Sekretáriu Estadu hato’o ba Madam Lee katak sei informa ba Eis PM Gusmao no Horta atu konvida Madam hodi ba vizita Timor-Leste.
- Enkontru ho Vise Prezidente kompañia CJ iha Seoul. Iha enkontru ida ne’e CJ iha inisiativa atu fó apoiu ba Timoroan iha area formasaun, liu-liu ba feto sira oinsá atu bele prodúz paun no salsixa husi ikan. Sekretáriu Estadu apresia tebes inisiativa ida ne’e no sei prepara proposta ida hodi bele submete ba CJ atu fó formasaun iha area bakery no produsaun seluk ne’ebé iha relasaun ho hahán. Intensaun husi CJ ne’e atu loke mini fabrika ba produsaun paun no salsixa ikan hodi fornese ba programa school feeding program.
- Enkontru ho Superintendente Sidade Metropolitanu Seoul Mr. Cho Hee-yeon. Iha enkontru ne’e superintendente promete atu ajuda Timor-Leste nia edukasaun hafoin Sekretáriu Estadu hato’o importánsia edukasaun naun formál ba dezenvolvimentu. Superintendente konkorda no iha tempu badak nia laran sei kria MoU ida atu bele estabelese kooperasaun entre governu Timor-Leste no sidade Metropolitanu Seoul. Alende apoiu meza no kadeira ba sentru formasaun sira iha Timor-Leste, Superintendente mós sei simu fumadór husi Timor-Leste atu mai tuir formasaun iha Seoul hodi bele hasa’e sira nia kapasidade. Desizaun ida ne’e superintendente foti hafoin Sekretáriu Estadu halo pedidu atu Superintendente hare mós ba setór kapasitasaun rekursu umanu nian.
26-28 Setembru 2015
- Sekretáriu Estadu hasoru malu ho traballadór sira iha Korea do Súl hodi rona diretamente sira nia difikuldade no ideas oinsá sira mós atu fó kontribuisaun ba dezenvolvimentu ekonomia família no nasaun nian. Iha sorumutu ne’e Sekretáriu Estadu husu traballadór sira nia disponibilidade atu bele implementa programa saving for future no saving for development ne’ebé SEPFOPE sei lansa. Programa ne’e atu husu traballadór sira haruka osan 10-20% husi sira nia saláriu ba banku ida iha Timor-Leste ne’ebé sei fó kréditu fali ba emprezáriu ki’ik sira hodi bele hamoris negósiu no indústria ki’ik iha Timor-Leste. Maioria traballadór konkorda ho idea ida ne’e no iha tempu badak nia laran SEPFOPE sei kria baze legal hodi hahú implementa programa refere.
29 Setembru 2015
- Enkontru ho Labor Attorney, Young Tag Kim. Iha enkontru ne’e advogadu Koreanu ne’e oferese atu fó asisténsia legál ba traballadór Timoroan sira liuhosi Fundasaun Belun ba Belun. Sekretáriu Estadu aseita no apresia idea ida ne’e no husu ba advogadu ne’e atu fó formasaun kona-ba lei trabalho Korea nian ba funsionáriu Embaixada Timor-Leste nian nune’e bele fó asisténsia di’ak liubá traballadór sira. Advogadu ne’e husu atu Embaixada Timor-Leste fó títulu hodi sai baze legál ida ba nia bainhira fó asisténsia legál ba traballadór sira. Ba asuntu ida ne’e Servisu Adidu nian sei diskute ho Embaixada.
20 Setembru, 2015
- Enkontru ho Sr. Jang Huigook, Superintendente Edukasaun Munisípiu Gwanju nian. Iha enkontru ida ne’e Sr. Jang Huigook hato’o ninia laran ksolok hodi bele hasoru malu ho Sekretáriu Estadu no hato’o mós ninia disponibilidade atu bele fó apoiu ba Timor-Leste iha area edukasaun formal no naun formal. Superintendente promete atu fó apoiu ba Timor-Leste iha area ICT ka information communication technology. Entretantu Sekretáriu Estadu halo pedidu atu Superintendente fó apoiu la’ós de’it iha area ICT maibé iha mós area mekániku, agrikultura, plumbing, no karpintaria. Superintendente konkorda no haruka ninia ekipa tékniku hasoru malu ho delegasaun husi SEPFOPE nian hodi halo kedas diskusaun kle’an kona-ba tipu apoiu ne’ebé Superintendente atu fó, no iha kedas desizaun atu bele apoiu formasaun vokasionál iha area marsenaria (solda, etc)
- Enkontru ho Sr. Yoon Janghyun, Maiór husi Sidade Metropolitanu Gwanju. Maiór Yoon Janghyun nu’udar médiku matan nian hahú tiha ona servisu solidariedade ba Timor-Leste nia ukun rasik an iha 1996 bainhira halo vizita ba iha Timor-Leste. Iha enkontru ne’e Sekretáriu Estadu hetan mensajen pozitivu husi Maiór atu fó apoiu ba sentru formasaun sira ne’ebé SEPFOPE estabelese ona. Maiór hein proposta husi SEPFOPE atu bele realiza apoiu sira ne’e iha tempu badak, inklui atu simu Timoroan hodi mai turi formasaun vokasionál iha area sira ne’ebé SEPFOPE sujere iha proposta ne’ebé sei hatama.
21 Setembru, 2015- Asina Nota de Entendimentu ho Ospitál Veteranu Gwanju. Iha okaziaun ne’e Sekretariu Estadu SEPFOPE asina MoU ho Diretór Gwanju Veteran Hospital ne’ebé iha memorandu ne’e parte GVH konkorda atu fó asisténsia médiku ba traballadór Timoroan iha Gwanju no sei loke oportunidade atu simu médiku husi Timor-Leste hodi hetan formasaun espesífiku iha ospitál refere. Memorandu ne’e mós sei loke dalan ba GVH atu halo atividade tratamentu médiku ba Timoroan sira iha Timor-Leste.
- Enkontru ho Water Team husi Fundasaun Belun ba Belun ne’ebé lidera husi Dr. Kang Hanrog. Iha enkontru ne’e Sekretáriu Estadu hasoru malu ho CEO husi kompañia Boyun ne’ebé espesialista iha projetu bee hemu nian. Kompañia ida ne’e iha interese atu halo investimentu ba bee hemu nian ho teknolojia husi Korea. Bazeia ba estimasaun kustu ba investimentu ne’e entre $5M to’o $9M. Tuir planu Water Team husi Fundasaun BbB sei vizita Timor-Leste hodi halo peskiza.
22 Setembru, 2015- Enkontru ho Mr. Lee Haechan, Eis Primeiru Ministru, Eis Ministru Edukasaun no atuál Membru Asembleia. Iha enkontru ne’e Sekretáriu Estadu propoin ba membru asembleia ba asuntu negósiu estranjeiru no trade nian atu loke fali dalan ba traballadór Timoroan atu mai servisu iha setór agrikultura ne’ebé hapara tiha ona husi governu Korea iha tinan rua liubá. Sekretáriu Estadu mós halo pedidu atu ho podér no influensia polítika husi membru asembleia ne’e hodi governu Korea bele loke dalan ba Timoroan la’ós de’it iha area traballadór maibé mós iha area formasaun nian. Membru asembleia Lee Haechan konkorda no telefone kedas ba prezidente KOICA nian hodi husu kona-ba ajuda ne’ebé aloka ba Timor-Leste. Iha tempu ne’e kedas sekretáriu estadu simu informasaun katak orsamentu ODA ba Timor-Leste tinan oin sei hasa’e ba $6M husi $3M iha tinan ida ne’e. Eis primeiru ministru Mr. Lee Haechan promete atu ko’alia ho governu Korea nia apoiu ba Timor-Leste foku mós ba formasaun vokasionál tuir Timor-Leste nia pedidu.
23 Setembru, 2015- Enkontru ho Ms. Park Young-sun, Membru Asembleia ba asuntu Finansa. Iha enkontru ne’e Sekretáriu Estadu halo pedidu ba Ms. Park Young-su atu ho podér no influensia polítika ne’ebé iha husu ba governu Korea nian atu tau matan ba foinsa’e feto Timor liuhosi formasaun vokasionál hodi kapasita feto foinsa’e sira. Ms. Park Young-su telefone direta ba prezidente Korean EximBank atu bele hare ba asuntu ne’e tanba Korea EximBank doadór bo’ot ida ba KOICA. Iha okaziaun ne’e Ms. Park Young-su rekomenda atu governu Timor-Leste liuhosi SEPFOPE bele servisu direta ho munisípiu Guro ne’ebé hanesan baze eleitór ba Ms. Park nian tanba iha munisípiu refere iha atividade barak ne’ebé involve feto inklui formasaun.
24 Setembru 2015- Enkontru ho Maior Sidade Munisipál Hwasung, Mr. Chai In-Suk. Iha enkontru ne’e Sekretáriu Estadu apresia Hwasung City liuhosi Governador Provínsia Gyonggido nian ne’ebé fó apoiu komputadór hamutuk unidade 150 ba sentru formasaun ne’ebé SEPFOPE estabelese ona iha Timor. Maiór ne’e mós oferese formasaun iha area mekániku nian ba Timoroan na’in 30 atu mai tuir formasaun iha politéknika iha Hwasung City. Tuir planu formandu sira ne’e atu mai iha fulan Janeiru no Fevereiru tinan oin. Hwasung City sei kontinua atu fó apoiu ba Timor-Leste iha area formasaun, liu-liu iha mekánika, ICT, no indústria.
- Enkontru ho Diretór Kompañia Land Slide Protection, Mr. Jang. Iha enkontru ne’e Sekretáriu husu ba diretór kompañia nian atu bele implementa projetu protesaun rai monu tuir modelu ne’ebé iha Korea. Sekretáriu Estadu husu atu kompañia refere bele implementa projetu ki’ik hamutuk ho kompañia lokál hodi transfere matenek ba Timoroan sira. Kompañia refere hato’o sira nia disponibilidade no sei buka tempu atu ba Timor-Leste hodi halo estudu ida kona-ba kondisaun no estrutura rai iha Timor-Leste.
25 Setembru 2015- Enkontru ho Eis Primeira Dama Lee Hee-Ho, Espoza husi Eis Prezidente Kim Daejung. Iha enkontru ne’e Sekretáriu Estadu hodi povu Timor no governu Timor-Leste nia naran hato’o obrigadu ba Madam Lee ba kontribuisaun husi eis prezidente Kim Daejung ninia esforsu no apoiu tomak ba Timor-Leste nia ukun rasik an. Madam Lee mós hato’o ninia intensaun atu vizita Timor-Leste iha tempu badak nia laran tanba bainhira moras iha ospitál, Eis Prezidente Kim Daejung hateten ba madam katak nia arrepende tanba lá konsege vizita Timor-Leste enkuantu nia sei forte. Madam mós apresia tebes Fundasaun Belun ba Belun nia intensaun ne’ebé hakarak servisu hamutuk ho Governu Timor-Leste atu harii Kim Daejung Center iha Timor. Ba inisiativa ida ne’e madam Lee hateten katak nia ho Kim Daejung nia belun sira sei halo esforsu hotu atu bele realiza idea atu hari Kim Daejung Center iha Timor. Iha enkontru ne’e Sekretáriu Estadu hato’o ba Madam Lee katak sei informa ba Eis PM Gusmao no Horta atu konvida Madam hodi ba vizita Timor-Leste.
- Enkontru ho Vise Prezidente kompañia CJ iha Seoul. Iha enkontru ida ne’e CJ iha inisiativa atu fó apoiu ba Timoroan iha area formasaun, liu-liu ba feto sira oinsá atu bele prodúz paun no salsixa husi ikan. Sekretáriu Estadu apresia tebes inisiativa ida ne’e no sei prepara proposta ida hodi bele submete ba CJ atu fó formasaun iha area bakery no produsaun seluk ne’ebé iha relasaun ho hahán. Intensaun husi CJ ne’e atu loke mini fabrika ba produsaun paun no salsixa ikan hodi fornese ba programa school feeding program.
- Enkontru ho Superintendente Sidade Metropolitanu Seoul Mr. Cho Hee-yeon. Iha enkontru ne’e superintendente promete atu ajuda Timor-Leste nia edukasaun hafoin Sekretáriu Estadu hato’o importánsia edukasaun naun formál ba dezenvolvimentu. Superintendente konkorda no iha tempu badak nia laran sei kria MoU ida atu bele estabelese kooperasaun entre governu Timor-Leste no sidade Metropolitanu Seoul. Alende apoiu meza no kadeira ba sentru formasaun sira iha Timor-Leste, Superintendente mós sei simu fumadór husi Timor-Leste atu mai tuir formasaun iha Seoul hodi bele hasa’e sira nia kapasidade. Desizaun ida ne’e superintendente foti hafoin Sekretáriu Estadu halo pedidu atu Superintendente hare mós ba setór kapasitasaun rekursu umanu nian.
26-28 Setembru 2015- Sekretáriu Estadu hasoru malu ho traballadór sira iha Korea do Súl hodi rona diretamente sira nia difikuldade no ideas oinsá sira mós atu fó kontribuisaun ba dezenvolvimentu ekonomia família no nasaun nian. Iha sorumutu ne’e Sekretáriu Estadu husu traballadór sira nia disponibilidade atu bele implementa programa saving for future no saving for development ne’ebé SEPFOPE sei lansa. Programa ne’e atu husu traballadór sira haruka osan 10-20% husi sira nia saláriu ba banku ida iha Timor-Leste ne’ebé sei fó kréditu fali ba emprezáriu ki’ik sira hodi bele hamoris negósiu no indústria ki’ik iha Timor-Leste. Maioria traballadór konkorda ho idea ida ne’e no iha tempu badak nia laran SEPFOPE sei kria baze legal hodi hahú implementa programa refere.
29 Setembru 2015- Enkontru ho Labor Attorney, Young Tag Kim. Iha enkontru ne’e advogadu Koreanu ne’e oferese atu fó asisténsia legál ba traballadór Timoroan sira liuhosi Fundasaun Belun ba Belun. Sekretáriu Estadu aseita no apresia idea ida ne’e no husu ba advogadu ne’e atu fó formasaun kona-ba lei trabalho Korea nian ba funsionáriu Embaixada Timor-Leste nian nune’e bele fó asisténsia di’ak liubá traballadór sira. Advogadu ne’e husu atu Embaixada Timor-Leste fó títulu hodi sai baze legál ida ba nia bainhira fó asisténsia legál ba traballadór sira. Ba asuntu ida ne’e Servisu Adidu nian sei diskute ho Embaixada.
